Meini Prawf y Beirniadu


Mae Consortiwm Gwobrau Arwain Cymru yn chwilio am “Arweinyddion Ysbrydoledig”.

Gwahoddwn chi i ddisgrifio sut y mae’ch enwebai yn arddangos y rhinwedd arweinyddol allweddol hwn wrth ateb y cwestiynau canlynol. Dylai’r atebion i bob cwestiwn fod yn ddim mwy na 250 o eiriau o hyd. Byddwch gystal ag ychwanegu’r crynodeb 30 gair y gofynnir amdano ac yna rhowch y 3 gair sy’n disgrifio orau pam eich bod yn gweld arweinyddiaeth eich enwebai yn ysbrydoledig.

	Sut maen nhw’n ysbrydoli eraill?
	Beth yw eu rhinweddau arweinyddol eraill?
	Beth mae eu harweinyddiaeth wedi ei gyflawni?

Canllaw i enwebyddion:

1.	Os yw’n well gennych chi roi rhestr o bwyntiau bwledi o dan bob cwestiwn, yn hytrach nag ysgrifennu paragraff, mae hynny’n gwbl dderbyniol
2.	Mae’r beirniaid yn eich annog i seilio’ch enwebiadau ar dystiolaeth h.y. rhowch enghreifftiau penodol mewn ateb i bob cwestiwn cyhyd ag y mae’n bosibl.
3.	Gwobr Arweinydd Tîm: ar gyfer y wobr hon, dylai enwebyddion ystyried “tîm” fel unrhyw grwp hunangynhaliol o fewn cwmni neu sefydliad.
4.	Categorïau Sector Cyhoeddus: Ar gyfer y gwobrau hyn gellir trin ysgolion, ysbytai, cartrefi gofal ac ati fel sefydliadau ar wahân i’w “rhiant” gorff, gyda nifer y gweithwyr yn nodwedd ddiffiniol o ran categori ymgeisio.

Mae’r gwobrau’n agored i unigolion, o bob lefel o fewn eu busnes neu sefydliad, heb fod yn gyfyngedig i rai mewn swyddi uchel.

Mae’n hanfodol fod enwebeion ar gael (os bydd angen) i fynychu Beirniadu’r Gwobrau ddydd Llun, 15 Ionawr 2007, gan na ellir darparu unrhyw ddyddiadau eraill ar gyfer y cyfweliadau beirniadu.